Nanghangyo ang usa ka residente sa Digos City, alang sa boluntaryong pagsurender sa kanding nga gikawat sa wala mailhing mga personahe.
Sumala sa tag-iya, dako ang kasubo sa iyang inahan human mawala ang maong alagang kanding nga dugay nang giatiman ug gipangga sa pamilya.
Matod pa niya, narekord sa mga CCTV camera ang mga suspek ug klaro usab nga nakita ang body number sa pedicab nga gigamit sa maong insidente.
Gihangyo sa tag-iya ang mga nalambigit nga ibalik ang kanding ug motubag sa ilang gihimo sa dili pa ipagawas sa publiko ang mga kuha sa CCTV ug uban pang impormasyon nga makatabang sa pag-ila kanila.
