Naabtan na lang sa kabuntagon apan, anaa gihapon sa ere o panganod ang usa ka eroplano sa Tupelo, Mississippi sa nasud Amerika nga nabantayang nag libot-libot lang kini.
Gikan sa gabie hangtud mibuntag makita nga nagalibot-libot lang sa ere ang gamay nga eroplano nga Beechcraft King Air C90 gikan sa Tupelo Aviation. Sa gipagawas nga flight radar tracking route sa owtoridad, makita nga wala sa direksyon ang eroplano ug pipila ka oras kini nga nagtiner sa ere ug walay direksyon.
Sumala pa sa mga owtoridad nga nanawag sa ilaha ang piloto ug nanghulga nga tuyoon kini nya nga ibugsok ang eroplano sa usa ka grocery store. Tungod niini, daling gipagawas ang mga customer ug empleyado sa nasangpit nga grocery store alang sa kaluwasan.
Giila sa mga owtoridad ang piloto nga si Cory Wayne Patterson, nadiskubrehan nga boot kawaton niini ang eroplano ug nasayran usab nga dili lisensyadong piloto si Patterson ug wala kini experience sa pagmaneho sa eroplano, giila kini sa iyang employer nga usa ka lineman sa Tupelo Aviation nga usa na dekada nga nagtrabaho isip maoy gasulod ug gasolina sa nasangpit nga Aviation company.
Pipila ka oras ang milabay ug nakumbinsi sa kapulisan si Patterson nga dili na ipadayon ang iyang plano nga pagbugsok sa eroplano. Apan, ang problema, dili kini kabalo mag-landing.
Sumala ni Chief Police sa Tupelo nga si John Quaka usa ka private nga piloto ang mitabang kanila aron matabangan si Patterson og makalanding, malampuson kining nakalandling sa usa ka bukid sa nasangpit nga nasud.
Dugang niini, gikaraho nga anaa ra sa maayong kahimtang si Patterson ug gi-aresto gilayon sa kapulisan human ang malampusong paglanding.
Sa kasamtangan, wala pay gipagawas nga impormasyon ang Tupelo Police kung unsay motibo ni Patterson sa maong panghitabo.
Photo Courtesy : X-plane ORg
