Mikunhod og P0.10 kada kilowatt-hour (kWh) ang residential electricity rate sa Davao Light and Power Company niadtong bulan sa Abril, diin ang bag-ong rate anaa na sa P10.53/kWh gikan sa miaging P10.63/kWh.
Magamit na ang bag-ong rate sa mga billing period gikan Abril 12 hangtod Mayo 11, ning tuig 2026. Sumala sa Davao Light, ang pagkunhod sa singil tungod sa ubos nga presyo sa suplay sa kuryente gikan sa Wholesale Electricity Spot Market (WESM), usa sa mga tinubdan sa kuryente sa maong kompanya.
Gipasabot usab sa kompanya nga padayon ang pag-usab-usab sa presyo sa merkado, busa posible gihapon nga mausab ang electricity rates matag bulan.
Gihangyo sa Davao Light ang mga konsumidor nga magpadayon sa pagpraktis sa energy efficiency aron makatabang sa pagdumala sa gasto sa kuryente.
Alang sa kompleto nga breakdown sa monthly rates, mahimong mobisita.
Photo Courtesy : Davao Light
