Gikumpirma sa kagamhanan sa Estados Unidos nga dili sila magpasulod og mga tawo nga wala’y United States passports kung nakaadto sa mga nasud sa Africa nga apektado sa bag-ong Ebola outbreak sa nakalabay’ng 21 ka mga adlaw.
Segon sa Centers for Disease Control and Prevention (CDC), base sa ilang gipagawas nga public health order nga gipirmahan ni acting CDC Director Dr. Jay Bhattacharya, apil niini nga mga nasud ang Uganda, Congo, ug South Sudan.
Nagsuspende ang nasangpit nga kamanduan sa katungod sa mga indibidwal gikan sa maong mga nasud, pagsulod sa US tungod sa seryusong risgo nga hatod sa Ebola virus ngadto sa ilang nasud nga posibleng madala sa mga langyaw nga gikan sa Congo diin nagtunhay ang emergent outbreak sa Ebola disease.
Epektibo ang maong public health order, sulod sa 30 ka mga adlaw. Alayon niini, pahugtan sa mga U.S. officials ang public health screening ug monitoring sa ubang mga biyahidor nga mangabot gikan sa mga nasud nga apekdato sa outbreak. Naglakip ang screening sa pagtumbok sa mga simtomas sama sa hilanat ug pag-analisar sa posibleng exposure history.
Photo Courtesy:Reuters
