Gisuspende sa Land Transportation Office (LTO) ang duha ka enforcer human nag-viral sa social media ang pictures nga makita nga matod pa nagbalhin sila og gasolina gikan sa usa ka sakyanan sulod sa impounding area sa ahensya.
Matod sa LTO, giimbestigahan pa nila kung ilegal ba ang gihimong pagkuha o pagbalhin sa gasolina ug kung adunay personal interes kini. Gipangayuan usab og written explanation ang duha ka personhe sulod sa lima ka adlaw.
Ang duha ka enforcer sakop sa Law Enforcement Service sa LTO Central Office sa Quezon City. Posible silang mag-atubang og kaso kon mapamatud-an nga adunay paglapas sa balaod batok sa pagkawat o paggamit sa government resources para sa personal nga interes.
Giingon ni Markus Lacanilao nga walay lugar sa LTO ang iregularidad ug pang-abuso. Dugang niya, palig-onon pa nila sa ahensya ang kampanya alang sa disiplina ug accountability sa ilang mga personahe.
Photo Courtesy:LTO fb
