Miabot na sa kinatibuk-ang 58 ka mga insidente sa dalan ang natala sa buhatan sa Traffic Enforcement Unit sa General Santos City alang sa kasamtangang bulan sa Mayo. Kasagaran sa mga aksidente nagakahitabo sa mga national road, diin gihulagway nga sagad gumikan sa over-speeding, human error, bad overtaking, ingon man ang mga self-accident o ang pagkadasmag sa kaugalingon nga walay laing gika-engkwentro.
Gikumpirma usab ni Police Captain Lamberto Mahinay Rabino Jr, Deputy Chief sa buhatan nga motorsiklo ang nag-unang sakyanan nga nalambigit niini, diin aduna nay 44 ka insidente ang natala karong bulana.
Bisan pa man sa maong ihap, gipahayag sa kapulisan nga giisip gihapon nila kini nga “alarming” o angay nga kaalarmahan tungod kay matag aksidente adunay kinabuhi ug pamilya nga maapektuhan ug mamahimong mawad-an sa ilang mga minahal sa kinabuhi.
Photo Courtesy:goa prism
