Gisaulog ni Maris Racal ang iyang ika-12 ka tuig sa showbiz pinaagi sa paghatag og libreng bugas ug pagkaon ngadto sa mga jeepney driver sulod sa University of the Philippines Diliman. Sa iyang Instagram post, makita si Maris nga naghatag og bugas uban sa iyang mga fans isip pasalamat sa padayon nga suporta nga iyang nadawat sulod sa daghang tuig sa industriya.
Nailhan si Maris human mahimong first runner-up sa Pinoy Big Brother ug sukad niadto nakapakita siya sa iyang talento sa pag-arte pinaagi sa lain-laing teleserye ug pelikula. Sa iyang mensahe, nagpasalamat siya sa iyang mga supporters ug gitawag nga espesyal ang ilang selebrasyon isip “Mariestellers.”
Daghang netizens ug fans ang mipasidungog kang Maris tungod sa iyang maayong buhat alang sa mga jeepney driver. Ang uban niyang supporters nag-ingon nga proud sila sa kalampusan ug kabuotan sa aktres nga padayon gihapong mapainubsanon bisan sa iyang kalampusan sa showbiz.
Sumala usab sa aktres, adunay higayon nga gusto na niyang biyaan ang iyang career tungod sa mga pagsulay apan wala siya moundang tungod sa iyang gugma sa iyang trabaho ug pangandoy. Nagpasalamat usab siya sa mga production staff, directors ug kauban sa industriya nga nagpadayon sa pagtabang ug pagsuporta kaniya.
Photo Courtesy:MARIS RACAL Fb page
