Nadakpan sa kapulisan ang usa ka giila nga High Value Individual (HVI) sa kaso sa ilegal nga droga sa Kidapawan City.
Sa report sa Kidapawan City Police Station, sayong kabuntagon niadtong Mayo 18, 2026, gipatuman sa mga operatiba ang search warrant batok kang alyas Ronie, 22-anyos ug residente sa Purok Macupa, Barangay Singao sa nahisgutang syudad.
Sa maong implementasyon, narekober gikan sa suspetsado ang upat ka gagmay ug usa ka medium nga heat-sealed transparent plastic sa gituohang shabu.
Gikustodiya na sa kapulisan ang suspetsado samtang ginaandam ang kasong paglapas sa RA 9165 o Comprehensive Dangerous Drugs Act of 2002 batok kaniya. Samtang ang mga nakompiska nga ebidensya gipadala sa Provincial Forensic Unit alang sa laboratory examination.
Photo Courtesy: PNP Police Regional Office 12
