Malipayong gidawat sa 24 ka coordinators, ang pasidungog nga plaque of recognition ug cash award nga gitunol mismo sa Founder and Chairman sa Juander Radyo Loyalista Incorporated, nga si Sir Richard Soriano Villaronte, inabagan sa Network Special Project Head ma’am Ruby Burlaos. Atol sa “Fellowship and Awarding Ceremony” sa Northern Bukidnon Cluster nga gipahigayon sa Purok 2, Poblacion, Impasug-ong, Bukidnon, karong adlawa, Mayo 20, 2026.
Ang kalihokan naghatag og pasidungog sa mga coordinators nga nagpakita og dugay ug matinud-anong boluntaryong serbisyo. Sa maong awarding ceremony, adunay 8 ka coordinators nga gipasidunggan tungod sa ilang napulo ka tuig nga serbisyo, samtang 16 usab ka coordinator alang sa kapin lima ka tuig nga pagserbisyo.
Dugang pa, gipasalamatan usab ang matag coordinator sa dedikasyon ug sakripisyo nga padayon nga nagserbisyo alang sa kaayohan sa organisasyon. Sa pagkakaron, adunay kinatibuk-ang 54 ka aktibong coordinators ang Northern Bukidnon Cluster nga gipangulohan ni Genara Ancis.
Gipanghinaot nga ang maong kalihokan, mahimong inspirasyon sa tanang mga miyembro nga ipadayon ang boluntaryong serbisyo ug pagtabang sa mga nanginahanglan.
