Giabsuwelto sa korte sa Spain ang internasyonal nga pop star nga si Shakira sa kaso sa pagpanikas sa buhis human sa hapit usa ka dekada nga legal nga proseso.
Sa desisyon sa National High Court, wala mapamatud-i sa tax authority nga nakapuyo siya sa nasud sulod sa kapin 183 ka adlaw niadtong 2011, hinungdan nga giwagtang ang kaso batok kaniya.
Tungod niini, gimandoan usab ang gobyerno nga ibalik kang Shakira ang milyon-milyong euro nga multa ug interes nga sayop matod pa nga gipahamtang kaniya.
Gibutyag sa singer nga wala siya nanglimbong ug nakasinati siya og dakong kadaot sa iyang dungog atol sa maong kaso.
Ang balita migawas pipila ka adlaw human siyang gipahibalo isip halftime performer sa final sa FIFA Men’s World Cup.
Photo Courtesy: Billboard
