Arestado ang usa ka lalaki human kini gika-ingong nanguot og lubot sa usa ka dalaga sulod mismo sa simbahan sa Panacan, Davao City. Matod pa sa report nga nakurat ang dalaga human nga dunay murag mananap nga mikamang sa iyahang paa paingon sa iyahang lubot.
Dugang pa, nahitabo kini tunga-tunga sa misa, nagtuo usab ang dalaga nga giila sa Alyas nga Maria, nga wala kini tuyoa sa suspek apan sa milabay nga mga minuto nikamang usab ang kamot sa suspek og gihikap na ang ubang pribadong parte sa lawas sa dalaga.
Gilayon man usab kini nga gi-aksiyonan sa kapulisan og gidakop ang suspek, bisan wala pa nahuman ang misa.
Sa pagkakaron nakakustodiya na ang suspek, samtang gihulat ang desisyon sa biktima kon mopasaka ba kini og kaso.
Haka-haka usab sa uban nga posibleng dunay problema sa panghuna-huna ang suspek rason nga nabuhat niini ang pag-panguot sulod sa simbahan.
Photo Courtesy: shutterstock
