Nakuha pag-usab ni Shai Gilgeous-Alexander sa Oklahoma City Thunder, ang prestihiyosong NBA Most Valuable Player award. Gipahibalo ang maong award ayha ang Game 7 sa Eastern Conference Finals tali sa Cleveland Cavaliers ug Detroit Pistons.
Kini na ang ikaduhang sunod nga tuig nga nakuha ni Gilgeous-Alexander ang MVP award, human sa impresibong performance niini sa season. Nagtala siya og average nga 31.1 points, 6.6 rebounds, 4.3 assists ug 1.4 steals matag dula.
Sa edad nga 27, nahimong ika-14 nga player sa kasaysayan sa NBA si SGA nga nakadaog og back-to-back MVP awards.
Napildi niya sa botohan si Nikola Jokic sa Denver Nuggets ug si Victor Wembanyama sa San Antonio Spurs.
Photo Courtesy: GMA news
