Makita ang reaksyon sa Presidente nga dismayado atol sa miting uban sa mga Cabinet officials, samtang gihisgutan ang mga developments sa pagsulay sa pagpatuman sa International Criminal Court (ICC) arrest warrant batok sa senador. matod ni Palace Press Officer Claire Castro
Segun sa Malacañang, wala nasuko ang Presidente sa iyang mga opisyal, apan dismayado sa mismong nahitabo sa Senado ug sa panghitabo sa operasyon.
Gipatin-aw usab sa Palasyo nga wala’y kapakyasan ang National Bureau of Investigation (NBI) sa pagserbisyo sa warrant, kay giingong gi-block o gipugngan sila sa pagpadayon sa operasyon sulod sa Senado.
Gipangutana usab sa Malacañang kung sakto ba ang interbensyon sa Senado sa pagpatuman sa maong arrest warrant, ilabi na kay naa pa si Dela Rosa ubos sa protective custody sa chamber.
Samtang, giingon sa Office of the Solicitor General nga gi-classify na si Dela Rosa isip “fugitive,” ug mahimo siyang dakpon kung mosulay siya og biyahe gawas sa nasod.
Ang insidente nahitabo atol sa nagpadayon nga imbestigasyon ug kontrobersiya kalabot sa ICC warrant nga may kalabotan sa drug war operations sa miaging administrasyon.
Photo Courtesy: PNA
