Nagpahayag og suporta ug pakighiusa ang Mayor, Vice Mayor ug mga miyembro sa Sangguniang Bayan sa Santa Cruz alang kang Senador Ronald “Bato” dela Rosa pinaagi sa usa ka resolusyon nga giaprobahan sa konseho.
Ang maong resolusyon naghatag og suporta kang dela Rosa atol sa nagpadayon nga isyu kalabot sa imbestigasyon sa International Criminal Court o ICC may kalabutan sa kampanya kontra ilegal nga droga.
Gipasabot sa konseho nga importante nga sundon ang due process ug ang balaod ilalom sa 1987 Constitution, samtang ilang gipadayag nga si dela Rosa usa ka garbo sa Santa Cruz nga gikan sa yano nga kinabuhi hangtod nahimong hepe sa PNP ug Senador sa nasud.
Giklaro usab sa lokal nga panggamhanan nga ang tanang legal nga isyu kinahanglan masulbad pinaagi sa hustong proseso sa korte ug walay kalabutan gikan sa gawas.
