Patay ang lima ka mga Italian national, human sa usa ka scuba diving accident sa Vaavu Atoll sa Maldives, kini matod sa foreign ministry sa Italya niadtong nakalabay nga adlaw.
Ang grupo gikataho nga nawala human gihimo ang usa ka deep cave-diving expedition sa giladmon nga 50 metros sa kadagatan sa Male.
Usa lang ka lawas ang na-recover sa mga otoridad, samtang temporaryo nga gisuspinde ang search operations niadtong Biyernes tungod sa kusog nga balud sa kadagatan.
Gikumpirma usab sa Unibersidad sa Genoa nga lakip sa mga namatay mao si marine biology professor Monica Montefalcone, iyang anak nga babaye nga si Giorgia Sommacal, ug duha ka batan-ong researchers nga sila si Muriel Oddenino ug Federico Gualtieri.
Photo Courtesy: AOL.com
