Nasikop sa Carmen Municipal Police Station kauban ang 2nd DNPMFC ug R-PSB Team 2 ang usa ka lalaki nga giila lamang sa alyas nga “Vin,” nga giilang Top 5 Most Wanted Person sa municipal level, niadtong Mayo 17, 2026.
Ang operasyon gipangulohan ni PMAJ Lope I Cebreros III ug gihimo pinaagi sa pagserbisyo sa warrant of arrest batok sa suspetsado alang sa kasong Lascivious Conduct ubos sa Section 5(b) sa Republic Act 7610.
Human sa pagdakop, gidala ang suspetsado sa Carmen District Hospital alang sa physical ug medical examination sa wala pa kini ibalhin sa kustodiya sa Carmen MPS.
Gi-awhag usab sa kapulisan ang publiko nga magpadayon sa pagreport sa mga kriminal ug wanted persons aron mapalig-on ang kalinaw ug kahapsay sa komunidad.
Photo Courtesy : Dickman Law Office
