Gilapag sa hawanan sa Konseho ning dakbayan sa Cagayan de Oro ang sugyot ordinansa kalabot sa hugot nga kolaborasyon ug koordinasyon tali sa mga Barangay Councils ug Tribal Councils alang sa pagsulbad sa mga land disputes ug pagdumala sa mga indigenous cultural communities dinhi sa dakbayan sa Cagayan de Oro.
Sumala pa ni City Indigenous Peoples Mandatory Representative (IPMR) Datu Roberto Cabaring nga lahi-lahi ang panglantaw sa hisgutanang boundary kon utlanan sa mga yuta, tungod alang sa mga lumad, gitawag nila kining traditional boundary apan ning kasamtangan ginatawag na kining political boundary.
Tungod sa lantaw ni Datu Cabaring nga wala pa kini natuhop sa mga opisyales sa barangay ug IP communities ug wala pa hingpit nga nasabtan ang IPRA Law gisugyot niya ang panagtagbo sa duha ka panig.
Kahinumduman nga pipila na sab ka insidente sa panagbangi sa utlanan ug yutang kabilin sa mga lumad ang nahitabo dinhi sa dakbayan sama nalang sa Palalan-Tablon ug FS Catanico.
Photo courtesy: Cagayan de Oro City Council
