Gikalipay sa mga casual ug permanenteng empleyado sa Provincial Government of Misamis Oriental ang tukmang pag-release sa ilang midyear bonus ug clothing allowance niadtong Mayo 15, 2025.
Gihulog sa matag ATM account sa mga empleyado ang midyear bonus samtang nakuha usab sa matag departamento ang ilang clothing allowance.
Sumala kang Provincial Administrator Ruel Gayoso, gituyo sa gobernador nga madungan ang paghatag sa mga benepisyo aron makahatag kalipay ug dugang suporta sa matag pamilya sa mga empleyado.
Dugang pa ni Gayuso nga malipayon usab ang mga trabahante tungod kay naapil sa pagdawat sa sweldo ang mga Job Order workers sa lalawigan.
Gipasalamatan sa mga empleyado ang maayong pagdumala sa pag-release sa ilang benepisyo nga dako’g tabang sa ilang adlaw-adlaw nga panginahanglan.
Photo courtesy: Misamis Oriental Information Office
