Mosunod ang kampo ni Vice President Sara Duterte sa pagpagawas sa writ of summons sa Senado nga nagsilbi isip usa ka impeachment court. Matod pa ni Atty. Michael Poa, ang legal counsel ug tigpamaba sa Bise Presidente, nga sila motubag sa proseso nga gilatid sa Senate impeachment court.
Gipamugos niini nga magsang-at sila og sakto nga tubag nga nahiuyon sa konstitusyon. Ilang girespeto ang kasamtangang proseso ug wala na sila nihatag pa ug dugang komento.
Kahinumduman nga gihatagan sa Senate impeachment court og 10 ka adlaw ang Bise Presidente sa pagtubag sa higayon nga madawat na nila ang writ of summons.
Photo courtesy: Philstar
