Nakadayeg ang mga tawo sa usa ka humanoid robot sa “Atlas” nga gihimo sa Boston Dynamics, human mipakita ug talagsa-ong abilidad nga halos parehas ug lihok sa usa ka tawo ug misayaw pa kini ug budots.
Sumala sa kompanya nga nag buhat niini gibansay kini gamit ang Advanced Artificial Intelligence kun AI sa Foundation Models aron makatabang sa mga nag-kalainlaing buluhaton ilabina sa industriya sa sakyanan ug mga pabrika.
Nasayran usab nga ang Atlas usa ka Fully Electric humanoid Robot nga giandam dili lang para sa research kondili para na gyud sa aktwal nga trabaho sa industriya.
Gamiton usab kini sa pag-alsa og bug-at nga mga butang paghan-ay sa materyales, ug uban pang komplikadong buluhaton sa pabrika.
Apan ang mas nakapalingaw sa daghang netizens mao ang iyang abilidad sa pagsayaw, ilabina sa popular nga “budots,” nga maoy nakakuha sa atensyon sa mga netizen sa social media.
Sa karon, padayon pa ang pagpalambo sa humanoid robots ug AI Technology, nga giila karon nga usa sa pinakapaspas nga nagtubo nga teknolohiya sa kalibutan.
Photo Courtesy: NBC News
