Kapin sa P3.2 million ang kantidad sa mga smuggled nga sigarilyo ang nakumpiska sa mga operatiba atol sa intelligence-driven anti-smuggling operation sa may Purok Sweet Love, Barangay Dumagoc, Pagadian City, adlaw’ng Dominggo, Mayo 17, 2026
Gikasa ang operasyon sa mga personahe sa Regional Intelligence Division 9, uban sa Pagadian City Police Station ug 902nd MC RMFB 9 nga miresulta sa malampusong pagkakumpiska sa kontrabando ug pagkasikop sa suspetsado nga taga Guipos, Zamboanga del Sur.
Lakip sa nakumpiska ang 55 ka master cases sa Diamond brand cigarettes ug duha ka master cases sa Greenhills brand cigarettes nga gituohang walay mga BIR tax stamps ug graphic health warning signs.
Base sa Bureau of Costums standard price, ang kantidad sa tanang nakumpiska niabot sa P3,266,100.00.
Ang suspetsado lakip ang nakuhang mga ebidensya gidala na sa Pagadian City Police Station alang sa tukmang lakang.
Photo Courtesy: ZSPPO PIO, PRO 9
