Patay nang napalgan ang usa ka 30-anyos nga lalaki nga residente sa Dimataling, Zamboanga del Sur, sa may Purok Kamunggay, Sitio Balao, Barangay Ludiong, Dinas, Zamboanga del Sur, alas 6:22 sa buntag Mayo 17, 2026.
Sa inisyal nga imbestigasyon sa kapulisan sa Dinas Municipal Police Station, adunay igo pinusilan sa nagkadaiyang parte sa lawas ang biktima sa dihang siya nakaplagan sa nahisgotang lugar.
Gikatahong pipila ka mga buto sa pusil ang namatikdan sa giingong witness human sa pipila ka oras nga nakita niya nga nilabay ang biktima nga naglakaw paingon sa Barangay Ludiong Proper mga ala 1: 50 sa kaadlawon.
Giproseso na sa SOCO ang crime scene samtang nagpadayon sa pagpahigayon sa follow-up investigation ug operation aron maila ang pagkatawo sa mga suspetsado ug aron usab kini madakpan.
Alayon niini, gipasalig sa Zamboanga del Sur Police Provincial Office ngadto sa publiko nga ginabuhat na ang tanang paningkamot aron masulbad ang kaso ug masiguro nga mahatag ang hustisya sa nagbangutang pamilya.
