Mipanig ang duha ka independent senators sa Minority Bloc sa Senate of the Philippines sa wala pa ang pag-convene niini isip Senate Impeachment Court karong Lunes, Mayo 18.
Lakip niini sila si Senador Juan Miguel Zubiri ug Senador JV Ejercito. Sumala pa ni Sen. Zubiri, ang iyang pag-abstain sa miaging botohan sa liderato gihimo aron mapabilin ang kagawasan sa pagboto sa mga importanteng isyu sa katawhan, apan gusto gihapon niyang mapadayon isip sakop sa Minority Bloc sa organisasyon sa Senado.
Dugang pa niini, giingon ni Senador JV Ejercito nga iyang gipakita ang pagka-independent aron mas matuman niya og tarong ang iyang mga responsibilidad ug programa.
Giila usab niya ang tanyag ni Senate President Alan Peter Cayetano nga mahimong Majority Leader, apan iyang gibalibaran aron magpabiling independent. Sa laing bahin, sa pangutana ni Sen. Pres Cayetano, mipili si Ejercito nga moapil sa Minority Bloc imbis nga magpabiling independent.
Sa pagkakaron, mokabat na sa 11 ang miyembro sa Minority Bloc samtang 13 usab ang anaa sa Majority Bloc.
Matod pa, si Senador Vicente Sotto III ang kasamtangang Minority Leader, samtang si Senador Joel Villanueva ang acting Majority Leader sa Senado.
Photo Courtesy: Senate of the Philippines file photo
