Gipaulanan ug bala ang usa ka 48-anyos nga lalaki sa insidente sa pagpamusil nga nahitabo niadtong Mayo 17, 2026, pasado alas 8:40 sa buntag sa Purok 1, Brgy. Sinuda, Kitaotao, Bukidnon.
Sumala sa report, ang biktima usa ka residente sa Purok 4 sa maong barangay, samtang ang suspetsado usa ka 38-anyos nga lalaki nga taga Purok 1 sa maong lugar.
Sa inisyal nga imbestigasyon, nasayran nga ang biktima armado og kalibre .45 nga pistola ug uban sa iyang mga kauban nga wala mailhi, miadto sa balay sa suspetsado. Didto, giingong gikompronta ug nakiglalis ang suspetsado sa biktima tungod sa pagreport niini sa pulisya mahitungod sa presensya sa mga wanted person sa lugar nga giingong kauban sa biktima.
Tungod niini, miresulta ang komprontasyon sa pagpamusil nga hinungdan sa grabeng samad sa biktima, kinsa nakaangkon og daghang igo sa bala. Dali siyang gidala sa Quezon Infirmary Hospital alang sa medikasyon, samtang ang suspetsado mikalagiw ug gidala usab ang armas sa biktima.
Gimando sa Provincial Director ang padayon nga lawom nga imbestigasyon sa insidente.
Samtang gikataho sa Kitaotao PNP nga misurrender na ang suspetsado ug anaa na sa ilang kustodiya alang sa tukmang disposisyon
Photo Courtesy: Kitaotao PNP
