Gipangandaman na karon sa Sangguniang Panlungsod ang usa ka ordinansa nga maghatag og pinansyal nga insentibo o cash reward ngadto sa mga topnotchers sa bar ug board examinations syudad sa Malaybalay
Pinaagi ni City Councilor Dindo Zoltan Dinlayan, gipasabot nga ubos niining gisugyot nga ordinansa ang tanang top 20 nga nakapasar mapa-bar exam man o professional licensure exam sa Professional Regulations Commission (PRC) makadawat sa maong cash incentives gikan sa lokal nga pagagamhanan
Ubos sa nalatid sa ordinansa madawat sa Top 1: (₱20,000.00)Top 2 to Top 3: (₱15,000.00) Top 4 to Top 10: (₱10,000.00)Top 11 to Top 20: (₱5,000.00). Mahimong kwalipikado unya niini ang mga residdenti sa dakbayan sa sulod sa dili momenos sa unom ka bulan sa wala pa ang pag-take sa eksaminasyon, rehistradong botante ug adunay barangay certificate of residency
Adunay probisyon sab nga ang Sangguniang Panlungsod mahimo pang maka-adjust o mapakasaka pa sa kantidad sa reward pinaagi sa laing resolusyon o ordinansa ugaling daghan pa og pundo ang dakbayan
Kining polisiya base sa usa ka ‘substantial distinction’ diha sa pag-ila sa talagsaong abilidad sa akademiko ug propesyon nga nagdala og dungog sa dakbayan nga kinahanglan hatagan og managsamang katungod, benepisyo, ganti, ug obligasyon nga gimando niini nga balaod
Photo Courtesy: SP – Malaybalay City
