Gipahibalo sa mga travel groups nga nag-atubang karon og hagit ang industriya sa turismo sa Pilipinas tungod sa pagkunhod sa mga bookings dungan sa pagsaka sa presyo sa lana nga resulta sa nagpadayong kagubot sa Middle East.
Sumala sa Philippine Travel Agencies Association (PTAA), namatikdan ang pag-ubos sa gidaghanon sa mga hotel bookings, pagpalit og ticket sa ayroplano, ug mga tour bookings sa milabayng mga semana.
Namahayag si PTAA Chairperson for International Affairs Evangeline Tankiang-Manotok nga bisan og nindot ang performance niadtong Marso, nagsugod ang paghinay sa April ug Mayo.
Gidugangan usab kini sa Hotel Sales and Marketing Association (HSMA) diin matud nila, mas gamay ang bookings karon kompara sa samang panahon sa miaging tuig.
Photo Courtesy: Rappler
