Kusganong gihimakak sa National Bureau of Investigation kon NBI ang pangangkon ni Senador Ronald “Bato” Dela Rosa nga nasamdan siya sa pila ka bahin sa iyang lawas. Kini gumikan sa kay giingong nakigdumog siya sa mga ahente sa NBI nga midakop kaniya.
Matod ni NBI Director Melvin Matibag, giingong gitukmod sa senador ang duha ka babayeng ahente sa NBI dihang gisuwayan nila pagsilbi kaniya ang warrant of arrest gikan sa International Criminal Court (ICC) dayon ikyas.
Matod pa niya nga dili tinuod nga gi-harass si Dela Rosa tungod kay matod pa, mga tulo ka metros ang gilay-on niini gikan sa mga ahente sa NBI. Dugang ni Matibag nga maisip nga “evading arrest.” ang pag-ikyas ni Dela Rosa gikan sa mga midakop kaniya nga mga operatiba sa NBI.
Sumala pa nga nadawat sa NBI niadtong Lunes sa buntag ang warrant of arrest gikan sa ICC. Diin nakig-alayon dayon sila sa Senado nga ubos sa liderato ni kanhi Senate President Vicente Sotto III.
Giingong nakadawat usab sila og intelligence information nga motambong si Dela Rosa sa sesyon sa Senado, hinungdan nga nipakatap og 40 ka personnel ang NBI sulod ug gawas sa edipisyo alang sa operasyon.
Photo courtesy: Philnews
