Kinse ka Chinese warships ug 20 ka China Coast Guard vessels ang namatikdan sa upat ka importanteng lugar sa West Philippine Sea sulod sa milabay’ng semana, sumala sa Armed Forces of the Philippines.
Sa report sa AFP, giingong namonitor sa Philippine Navy gikan Mayo 4 hangtod 11 ang mga barko sa China sa palibot sa Panatag Shoal, Pag-asa Island, Escoda Shoal ug Ayungin Shoal.
Kadaghanan sa mga Chinese vessels nakita sa Panatag Shoal diin adunay walo ka People’s Liberation Army Navy warships ug siyam ka China Coast Guard boats.
Namonitor usab ang tulo ka military vessels ug tulo ka coast guard ships duol sa Pag-asa Island, samtang tulo ka warships ug duha ka coast guard vessels ang nakita sa Escoda Shoal.
Miingon ang AFP nga padayon gihapon ang ilegal ug agresibong lihok sa China sulod sa exclusive economic zone sa Pilipinas.
Apan gipasalig sa AFP nga magpadayon sila sa pagbantay ug pagpatrolya aron maprotektahan ang soberanya ug katungod sa nasud sa West Philippine Sea.
Photo Courtesy: Philstar
