Isa ang dead on the spot ug duha ang nasamdan sa nahitabong vehicular accident nga naglambigit sa usa ka motorsiklo ug usa ka bonggo truck sa may National Highway Purok 5, Barangay Poblacion, Guipos, Zamboanga del Sur, mga alas 9:42 sa gabie, Mayo 12, 2026.
Sa inisyal nga imbestigasyon, gikatahong nawad-an ug kontrol ang nagmaneho ang driver sa Honda RS 150 nga may duha ka angkas hinungdan aksidente kining nabangga sa usa ka KIA Bongo nga gimaneho sa usa ka 27-anyos nga lalaki nga taga Pagadian City.
Gumikan sa kusog nga impact ang driver sa motorsiklo nakaangkon ug grabeng samad sa ulo samtang ang duha nga angkas nga pulos menor de edad nakaangkon usab ug mga samad sa nagkadaiyang parte sa lawas.
Dali nga gitabang sa mga kapulisan ang mga biktima ug gidala sa pinakaduol nga tambalanan apan usa ang nakabsan sa kinabuhi ug ang duha ka mga biktima padayon pang gitambalan.
Wala ra maunsa ang driver sa KIA Bongo apan sa karon pabilin kini nga nakakustudiya sa buhatan sa kapulisan lakip ang duha ka mga sakyanan nga nalambigit sa panagbangga alang sa tukmang lakang.
Photo Courtesy: ZSPPO PIO, PRO 9
