Usa ka politiko gikan sa South Africa nga ginganlan og Tshekede Pisto ang nahimong sentro karon sa social media human siya gilubong nga naglingkod sulod sa iyang paboritong sakyanan nga Mercedes.
Sumala pa espesyal kaayo alang kang Pisto ang maong awto tungod kay simbolo kini sa iyang kalampusan sa kinabuhi, hinongdan nga imbis tradisyunal nga lungon ang higdaan sa iyang kamatayon didto na hinuon siya sa iyang sakyanan gipalingkod.
Makita sa Video ang sakyanan nga gitunlob na ngadto sa lubnganan samtang si Pisto nagpabiling naglingkod sulod niini, kay sa buhi pa ang maong tawo mao kini ang iyang hangyo sa iyang pamilya nga kung mamatay na siya didto siya isulod sa iyang sakyanan ug dili sa lungon.
Daghan ang natingala sa maong pamaagi sa paglubong, samtang ang uban miingon nga kini usa ka talagsaong paagi sa pagpasidungog sa usa ka tawo nga adunay dakong emosyonal nga koneksyon sa iyang paboritong butang.
Bisan lahi ug talagsaon ang maong pamaagi, nagpakita kini nga matag tawo adunay kaugalingong paagi sa ilang personalidad ug mga butang nga ilang giampingan hangtod sa katapusan sa ilang kinabuhi.
Photo Courtesy: King Bokwe
