Usa ka talagsaong isyu ang nibutho sa France human suspetsahan nga adunay “nanghilabot” sa temperature sensor aron modaog sa online betting. Matod sa French weather agency nga Météo-France, kalit lang kuno misaka ang temperatura sa Paris ngadto sa 22 degrees bisan gabii na—unya pagkahuman, mibalik dayon sa normal nga bugnaw nga klima.
Nakurat ang mga eksperto nga murag dili na normal nga sama na sa oven ang kainit ang alas nuebe sa gabii. Apan mas nakurat sila human ilang nadiskobrehan nga adunay mga tawo nga nidaug og dako sa online betting platform nga Polymarket pinaagi sa pustahay sa temperatura sa Paris.
Usa gani ka bettor nga ni-pusta og kapin 100 dollars, nakadaug og labaw 20 mil dollars human eksaktong nisaka ang temperatura. Tungod niini, adunay mga espekulasyon nga basin giinitan lang ang sensor gamit ang lighter o hair dryer aron mausab ang reading.
Karon, nag-imbestiga na ang kapulisan sa airport sa posibleng pagmaniobra sa weather equipment. Busa sa France karon, dili na lang tao ang giinitan—apil na pud ang thermometer.
Photo courtesy: Oddity Central
