Giklaro ni Interior and Local Government Secretary Jonvic Remulla nga ang Criminal Investigation and Detection Group (CIDG) mag-isyu og subpoena aron ipatawag si Senador Ronald Dela Rosa alang sa personal nga pagtambong sa nagpadayon nga imbestigasyon.
Matod ni Remulla, ang subpoena usa ka pormal nga legal nga pamaagi nga nagmando o nag-awhag sa usa ka indibidwal nga motambong ug mohatag og pahayag sa imbestigasyon sa mga otoridad.
Giklaro niya nga dili kini warrant of arrest ug wala usab magpasabot nga si Dela Rosa giakusahan o gidakop na.
Gipasiugda sa Department of the Interior and Local Government (DILG) nga ang maong lakang sa CIDG kabahin lamang sa domestic law enforcement process ug walay kalabotan sa International Criminal Court (ICC).
Giklaro usab sa ahensya nga ang imbestigasyon gihimo sulod sa legal nga sistema sa Pilipinas ug wala’y koordinasyon sa ICC sa maong kaso.
Sa pagkakaron, wala pa gipadayag sa mga otoridad kung unsang espesipikong insidente o kaso ang sakop sa subpoena, apan gipadayag nga padayon ang imbestigasyon ug posibleng kinahanglanon ang testimonya sa mga concerned individuals aron mapalapad ang kaso.
Photo Courtesy: Daily Tribune
