Gipadala sa Royal Navy ang warship nga HMS Dragon ngadto sa Middle East, sumala sa UK Ministry of Defense.
Matod sa Ministry of Defense ng United Kingdom, ang maong destroyer mahimong moapil sa usa ka internasyonal nga misyon nga nagtinguha sa pagpanalipod sa mga komersyal nga barko nga moagi sa Strait of Hormuz, usa sa pinaka-importante nga agianan sa oil shipping sa kalibutan.
Ang HMS Dragon usa ka Type 45 destroyer nga naka-pre-position na sa rehiyon aron paspas nga makatubag kung kinahanglanon ang deployment.
Sa laing bahin, ang UK Prime Minister Keir Starmer ug French President Emmanuel Macron giingong nagtan-aw sa mas lapad nga internasyonal nga koordinasyon sa seguridad sa rehiyon, ilabi na sa mga nagpadayon nga tensyon.
Ang deployment moabot lamang og aktuwal nga operasyon kung magpadayon o modako pa ang panagbangi sa rehiyon, samtang ang sitwasyon sa Strait of Hormuz nagpabiling sensitibo tungod sa mga report nga nagkadugang nga maritime tensions.
Photo Courtesy: Reddit
