Giklaro ni Department of the Interior and Local Government (DILG) Secretary Jonvic Remulla nga misaka ang presyo sa shabu tungod sa mas gipakusgang operasyon sa gobyerno batok sa iligal nga droga.
Sumala pa ni Remulla, gikan sa kapin P3,800 matag gramo kaniadto, niabot na kini sa P7,000 matag gramo human mawala sa merkado ang dagkong suplay sa ilegal nga droga.
Giiinsister sa kalihim nga mas epektibo ang pagputol sa supply chain ug pagdakop sa mga dagkong sindikato kaysa tutokan lamang ang mga drug users.
Gibatikos sab ni Remulla ang kampanya kontra droga sa miaging administrasyon, diin matud niya nga bisan daghan ang namatay sa Tokhang operations, wala gihapon kuno hingpit nahunong ang paggamit sa druga.
Gipasabot ni Remulla nga tungod sa kakulang sa supply, mas mahal na karon ang shabu kumpara sa cocaine sa underground market.
Photo Courtesy: Philippine News Agency
