Mipahigayon ang Regional Mobile Force Battalion 8 og libreng tuli operation nga gitawag og “Circum-Mission: Oplan Tuli ng RMFB 8” diin kapin sa 59 ka kabatan-onan gikan sa Capoocan ang nakabenepisyo sa libreng tuli, nahitabo didto sa Battalion Headquarters sa Capoocan niadtong nakalabay nga adlaw.
Tumong niini nga aron matabangan ang mga pamilya nga dili makaya ang gasto sa operasyon. Gihimo usab ang usa ka educational symposium alang sa mga ginikanan ug guardians mahitungod sa Safe Spaces Act ug Anti-Violence Against Women and Their Children Act, lakip ang pagpanghatag og flyers ug road safety reminders.
Gipasalamatan ni PLTCOL Maestre Jr. ang mga medical volunteers, doctors, ug partner agencies nga nitabang aron mahimong malampuson ang maong kalihokan. Matod niya, dili lamang kini simpleng medical mission kondili usa usab ka pamaagi aron mapaligon ang serbisyo publiko ug mapalapit ang kapulisan sa komunidad.
