Gipatuman karong adalawa ang managlahing kausaban sa presyo sa produktong petrolyo sa mga kompanya sa lana sa nasod. Sa gipagawas nga advisory sa Shell Pilipinas Corp., mosaka og P0.47 ang matag litro sa gasolina, samtang makatamtam og dakong diskwento ang mga konsumidor sa diesel nga mopaubos og P9.57 matag litro, ug P13.30 usab ang rollback sa kerosene.
Kini na ang ikatulong sunod-sunod nga semana nga adunay pagsaka sa presyo sa gasolina, samtang dako usab ang gitala nga pag-usos sa presyo sa diesel ug kerosene kon itandi sa mga nangaging projection sa industriya.
Kahinumduman nga sa miaging semana, nitala og pagsaka nga P2.21 sa gasolina ug P2.66 sa diesel ang mga oil retailers, samtang nimenos og P3.53 ang matag litro sa kerosene.
Ang maong “mixed movement” sa presyo sa lana sumala sa mga eksperto nag-agad sa lihok sa presyo sa petrolyo sa merkado sa kalibutan. Gilauman nga mosunod usab ang ubang mga kompanya sa lana sa susamang adjustment sa presyo sa ilang mga produkto.
Photo Courtesy: Manila standard
