Nakaangkon og mga samad ug bun-og sa lawas ang duha ka mga indibidwal human matala ang aksidente sa duha ka mga sakyanan sa may National Highway Purok 7, Barangay Picanan, Kumalarang, Zamboanga del Sur, niadtong nakalabay nga adlaw.
Gikatahong nga nawad-an og kontrol ang usa ka puti nga Toyota Wigo nga gimaneho sa 58-anyos nga lalaki gikan sa Dumalinao samtang nagliko sa kurbadang bahin sa dalan ug nabangga ang kasugat nga motorsiklo nga gimaneho sa 44-anyos nga negosyante gikan sa Tabina.
Tungod sa kusog nga impact, nasamdan sa wala nga tiil ang driver sa motorsiklo samtang nakaangkon og gagmay’ng garas ang iyang 18-anyos nga angkas diin wala ra usab maangol ang driver sa sakyanan.
Dali usab nga gidala sa MDRRMO ug Bureau of Fire Protection ang mga biktima ngadto sa Rural Health Unit sa Kumalarang alang sa pagpatambal.
Samtang ang duha ka mga sakyanan human sa insidente naka-angkon ug mga damyos ug padayon pa karon nga giimbestigahan sa mga otoridad ang maong hitabo aron masuta kon kinsa ang angayng manubag sa insidente.
Photo Courtesy: ZSPPO_PRO 9
