Gipalig-on sa Investment Division ang kahibalo sa mga micro-entrepreneurs atol sa gipahigayon nga Digital Transformation Training uban sa pakigtambayayong sa Globe Telecom niadtong nakalabay sa Activity Hall sa Kapitolyo sa Davao de Oro.
Tumong sa maong training nga mapalapdan, matabangan, ug masuportahan pa ang mga gagmay’ng negosyante sa tibuok probinsya pinaagi sa paggamit sa digital o online nga mga transaksyon.
Nagpasalamat usab ang mga negosyante sa maong programa pinaagi ni Flora Geolagan alang sa suporta ug tabang nga gihatag sa probinsyal nga panggamhanan.
Gisaysay usab ni Executive Assistant IV Anacito Torrejos Jr. nga nagkahiusa ang probinsyal nga panggamhanan sa pagpadool sa mga programa ilabina alang sa mga micro-entrepreneurs, tungod kay dako usab sila’g kontribusyon sa pagpalambo sa ekonomiya sa probinsya.
