Nadakpan sa mga kapulisan ang usa ka indibidwal nga gikonsidera nga Top Priority Drug Personality atol sa gikasang buy bust operation didto sa Baywalk, Barangay Central, Mati City, Davao Oriental pasado alas 7:00 sa gabii, Mayo 8, 2026.
Ang operasyon gihimo pinaagi sa mga operatiba sa Mati City Police Station uban sa laing mga law enforcement units nga miresulta sa pagkasikop ni alyas “CRISMAR”.
Narekober gikan sa suspetsado ang daghang pakete sa gituohang shabu nga gibana banaang adunay standard drug price nga Php 3,876,000.00. Human sa pagdakop gipahibalo ang suspek sa iyang katungod pinaagi na sa pinulongan nga iyang nasabtan ug nahibal-an.
Sa karon ang dinakpan anaa na sa kustodiya sa kapulisan alang sa tukmang disposisyon ug mag atubang sa kasong paglapas sa RA 9165 kon Comprehensive Dangerous Drugs Act of 2002.
Photo Courtesy: DOPPO
