Namuhunan ang panggamhanan sa dakbayan sa Malaybalay sa pagbansay-bansay sa pagpalambo sa kahanas alang sa mga magtutudlo sa Department of Education sa syudad aron mas masangkapan sila sa pagtabang sa pag-amuma ug pagpanalipod sa masanag nga kaugmaon sa mga kabatan-onan pinaagi sa The Human Project Foundation ning bulan sa Mayo 2026
Mismo gidapit nga namulong sa maong pagbansay sila Dr. Joshua ug Mrs. Caroline Pilapil, mga founder sa makahuluganon ug esensyal nga inisyatiba
Niining higayona mipasalig si City Mayor Warren Pabillaran nga ipadayon sa lokal nga gobyerno ang suporta sa Catalyst Malaybalay program nga gitumong alang sa mga magtutudlo ug kabatan-onan sa maong programa nga pinaagi sa batch system diin matag unom ka adlaw
Dugang pa sa mayor nga gikan sa kapin duha ka libo ka mga empleyado ug magtutudlo sa Malaybalay, mokabat pa lamang sa 750 ang nakaangkon sa maong update o training.
Gidasig sa Mayor ang mga partisipante, lakip ang mga principal ug superintendent sa DepEd – Division of Malaybalay nga seryosohon ang programa tungod kay nakita na niya ang positibong resulta niini nga makatabang sa kabatan-onan sa Malaybalay ug mahimo kining ehemplo nga mapatuman usab sa ubang probinsya ug posible sa tibuok nasud.
Photo Courtesy: Mayor Warren R. Pabillaran
