Patay ang usa ka lalaki, human nga nabanggaan sa usa ka eroplano sa Denver International airport. Matod sa mga awtoridad nga kalit lang nga nilabang sa runway sa airport ang biktima, samtang niagi ang Frontier Airlines nga Airbus A321.
Pahawa na unta ang eroplano gikan sa Denver paingon sa Los Angeles kung diin aduna kini sakay nga 224 nga mga pasahero ug pito ka mga crew members.
Tungod sa mga panghitabo, nalangay ang paglupad sa eroplano ug gibalhin sa ubang eroplano ang mga sakay niini.
Aduna sab nahitabong sunog sa cabin sa eroplano hinungdan nga daling niabot ang mga bombero ug mga emergency crew.
Photo Courtesy: The Guardian
