Gipagawas sa administrasyon ni US President Donald Trump ang bag-ong counterterrorism strategy nga nagpunting sa Europe, left-wing extremists, ug drug cartels sa Americas.
Giingon sa US counterterrorism strategy nga ang Europe daw “incubator” o lugar nga nagatubo o nagapadaghan ang terrorism, tungod sa ilang mass migration ug open-border policies.
Giingon sa dokumento nga ang US maghatag prayoridad sa pag-ila ug pag-neutralize sa “violent left-wing extremists,” lakip ang anarchist ug anti-fascist groups, ug uban pang giingong anti-American ideologies.
Apil usab sa gi-highlight ang drug cartels sa Latin America isip usa sa pinaka-prayoridad sa US counterterrorism operations.
Ang bag-ong counterterrorism strategy giandam ug giisyu sa team nga gidumala ni Sebastian Gorka, kinsa giingong nakasugat og kontrobersiya tungod sa giingong koneksyon sa mga far-right groups o mga grupong politikal nga sobra ka konserbatibo ug radikal ang pamaagi sa ilang mga panan-aw.
Ang bag-ong polisiya nagpasamot sa tensiyon sa relasyon sa US ug Europe, ilabi na kay balik-balik na ang kritisismo ni Trump batok sa mga European allies bahin sa imigrasyon ug seguridad.
Photo Courtesy: Reuter
