Mi-ulbo ang sunog sa usa ka oil facility sa Fujairah Oil Industry Zone sa United Arab Emirates niadtong Mayo 4, sumala sa mga awtoridad sa Fujairah.
Gituohan nga ang insidente resulta sa usa ka drone attack nga giingong naggikan sa Iran. Gilayon nga nagdeploy ang mga civil defence teams aron mapugngan ug makontrol ang kalayo, sumala sa gipagawas nga pahayag sa Fujairah Media Office.
Nagpadayon ang operasyon sa pagpalong sa sunog aron malikayan ang dugang kadaot sa pasilidad. Wala pa’y detalyadong impormasyon nga gipagawas kabahin sa gidak-on sa kadaot o kung adunay mga nasamdan sa maong insidente.
Padayon usab ang imbestigasyon aron matino ang eksaktong hinungdan ug ang tinuod nga gigikanan sa giingong pag-atake.
Samtang, wala pa’y opisyal nga komento ang gobyerno sa Iran kalabot sa alegasyon nga sila ang tinubdan sa drone attack, hinungdan nga nagpabiling tensyonado ang sitwasyon sa rehiyon.
Photo Courtesy : The Federal
