Nadiskubre sa mga otoridad ang usa ka dako nga marijuana plantation sa Mt. Makago-on nga nahimutang sa boundary sa Sadanga, Mt. Province ug Tinglayan, Kalinga. Ang maong lugar gilantaw nga usa sa mga tago nga tamnanan sa ilegal nga droga sa rehiyon.
Sa operasyon, gipang-ibot ug gisunog ang halos 224,000 ka tanom sa cannabis nga nakatanom sa kapin 29,500 square meters nga yuta.
Gihimo kini aron mapugngan ang pagpadayon sa produksyon ug distribusyon sa ilegal nga substansya.
Base sa report, apil sa nasakmit ang 80,000 ka tanom nga nagkantidad og ₱16 milyon, 40,000 fully grown plants nga nagkantidad og ₱8 milyon, 20,000 ka tanom nga ₱4 milyon, ug 84,000 ka seedlings nga gibanabana og ₱3.36 milyon, nga nagpakita sa dako nga kantidad sa operasyon.
Padayon karon ang imbestigasyon sa mga awtoridad aron mailhan ang mga responsable niini ug masuta pa ang ubang posibleng tanaman sa ilegal nga droga sa maong rehiyon, isip kabahin sa gipalig-on nga kampanya batok sa ilegal nga droga sa nasud.
Photo Courtesy : Philippine National Police Facebook page
