Gi-welcome sa Department of Tourism (DOT) ang unang biyahe sa eroplano sa Air China gikan Chongqing paingon Manila niadtong Mayo 2, 2026, usa ka dakong lakang sa pagpasig-uli sa kusog nga turismo gikan sa China.
Ang inaugural flight (CKG–MNL) mitugpa sa Manila alas 12:16 sa tungang gabii dala ang 155 ka pasahero, samtang ang balik nga biyahe (MNL–CKG) milarga ala 1:50 sa kadlawon nga adunay 145 ka pasahero.
Giingon nga kini nga bag-ong ruta nagpasayon sa biyahe sa mga turista gikan sa Chongqing, diin usa sa pinakadakong syudad sa China ug importante nga market sa outbound travel.
Sumala sa DOT, dako kini og tabang sa pagpalig-on sa turismo ug ekonomiya sa nasud.Dugang pa niini, naa nay existing direct flights ang Air China gikan Chengdu ug Beijing paingon Manila.
Sa unang kwarter sa 2026, nakadala na ang airline og 131 ka flights ug halos 34,000 ka seats para sa Pilipinas.
Ang China nagpabilin nga usa sa pinakadakong source sa turista sa Pilipinas, nga nakaabot na og 150,708 ka bisita base sa e-travel data hangtod Abril 30, 2026.
Sa panan-aw sa mga eksperto sa turismo, ang pag-abli sa bag-ong ruta gilauman nga magpadasig sa negosyo sa hotel, transportasyon, retail, ug local services, nga magdala og dugang kita sa ekonomiya sa nasud.
Photo Courtesy : Youtube/CaljuCotcas
