Gidayeg sa Department of Agriculture (DA) ang dako nga nahimo sa gobyerno ug mga kaabag nga lokal nga panggamhanan sa pagpaubos sa mga barangay nga apektado sa African Swine Fever (ASF) sa nasud.
Base sa datos, gikan sa 98 ka barangay sa katapusan sa 2025, mikunhod kini ngadto sa 15 ka barangay sa Abril 10, ug duna pay dakung pagkunhod hangtod sa katapusan sa Abril 2026.
Matod sa DA, ang mga apektadong lugar anaa sa Ifugao, Kalinga, Quezon, Oriental Mindoro, Southern Leyte, ug Surigao del Sur.
Giingon sa mga opisyal nga dako ang natabang sa pagbakuna sa mga baboy, higpit nga biosecurity measures, ug mga training alang sa mga mag-uuma aron mapugngan ang pagkuyanap sa sakit.
Dugang pa sa DA, kapin 400,000 ka doses sa ASF vaccine ang napanghatag na sa tibuok nasud, labi na sa Batangas, Tarlac, ug Rizal.
Samtang nagpadayon usab ang ahensya sa pagpangita og dugang supplier sa bakuna ug pagpalig-on sa kooperasyon sa LGU ug mga hog farmers aron mapadayon ang pagkunhod sa ASF cases sa kinatibuk-an.
Photo Courtesy : PNA
