33 ka mga senior citizen gikan sa kinatibuk-ang 17 ka mga Juander Radyo Stations sa Visayas ug Mindanao ang nakadawat og surprise birthday gift gikan sa CEO/President sa RSV Group of Companies nga si Richard Soriano Villaronte kinsa nagsaulog sa iyang ika- 43 nga adlawng natawhan karong adlawa May 6, 2026.
Ang nahisgutang mga senior citizen kadungan sa iyang adlawng natawhan diin ang matag usa kanila nakadawat og regalo nga gilangkuban sa 10 kilo rice, 2 ka bottled soft drinks, cake, pansit bilao ug duha ka lechon manok.
Mismong ang mga empleyado sa tanang Juander Radyo Stations ang personal nga mihatud sa maong mga regalo ngadto sa mga napiling celebrant.
Nagpaabot usab sa ilang pasalamat ang mga napiling senior citizen sa gasa nga ilang nadawat.
Ang maong surprise birthday gift sa CEO/President usa ka simpleng pamaagi sa pagpasalamat ug pagtabang diin siya naila na diha sa iyang pirming pagpatuman og mga community service diha sa mga komunidad.
