Nadakpan sa mga otoridad ang usa ka indibidwal nga gikonsiderang Top 6 Most Wanted Person sa Provincial Level atol sa gikasang operasyon pasado alas 2:00 sa hapon niadtong Mayo 4, 2026.
Ang operasyon gihimo sa mga personahe sa Manay Municipal Police Station kauban ang mga operatiba sa Lupon Municipal Police Station nga miresulta sa pagkasikop sa usa ka 32-anyos nga lalaki.
Ang suspek nadakpan pinaagi sa pagpatuman sa Warrant of Arrest alang sa kasong Frustrated Murder ilalom sa Criminal Case No. 8851-22 ug adunay pyansang girekomendar ang korte nga mokabat sa Php200,000.00 alang sa iyang temporaryong kagawasan.
Human niini, gipasabot ang akusado sa rason sa iyang pagkasikop pinaagi sa pinulongan nga iyang nahibal-an ug sa karun gikustodiya na sa kapulisan alang sa hustong disposisyon.
Photo Courtesy: Manay MPS
