Gipaambit sa Department of Environment and Natural Resources (DENR) Davao Region nga mokabat sa 30 ka Rafflesia mira ang ilang nakita sa kalasangan nga bahin sa Tarragona, Davao Oriental.
Sumala sa ahensya, ang presensya sa mga tanom sa maong lugar adunay medyo taas nga densidad, nga nagpasabot nga ang site mahimong adunay mahinungdanon sa ekolohiya ug konserbasyon.
Dugang pa, base sa bag-o lang gi-issue nga Updated National List of Threatened Philippine Plants sa Department of Environment and Natural Resources, adunay mga species sa maong lugar nga apil sa kategoryang Endangered Species nga nagpasabot nga kini nga mga tanom nanginahanglan og dinalian nga pagpanalipod.
Photo Courtesy: DENR Davao Region
