Nakadani ug atensyon sa mga netizens ang usa ka viral health infographic nga nagpakita sa makapakurat nga findings, diin gipaambit nga ang pipila ka gym equipment sama sa dumbbells ug uban pang fitness gear posible nga mas hugaw pa kumpara sa toilet bowl.
Base sa report, nga daw adunay mas taas nga bacterial contamination ang mga gym equipment, diin ang tagahikap sa mga weights equipment mahimong adunay kauban nga mikrobyo nga dili makita sa tawo ug posible nga makahatag ug risgo sa kahimsog.
Tungod niini, gipasidan-an ang tanang gym-goers nga kinahanglang mag-sanitize sa kamot ilabina sa mga gym gears sa dili pa ug human gamiton, likayan usab ang kakulang sa personal hygiene ug sigurohon usab ang kalimpyo sa palibot samtang nag-workout.
Gipaklaro usab nga dili nakabase sa ehersisyo ang pag-angkon og maayong panglawas, kundili apil na niini ang pagmintinar sa kalimpyo.
Photo Courtesy: Viral health infographic
